روحى بالقاك

روحي بلقاك إتفزّ فزه حمامة

وتحوم حولك من غلاك وأملها

يا لين من نظرة غلا وابتسامة

إترد روحي الغالية في محلها



لك في فضي صدري فؤادن غرامه

يحمل محبة أنسى تلقى مثلها

يعني إذا قلت أحصى شوقه وهيامه

تقدر تقول يكثر هالدنيا كلها



أهواك وأرسم للتعجب علامة

كلما بنورك عيني خطت كحلها

وأسأل هواك اللي عظيمٍ مقامه

هل خلا فيني ذرةٍ ما وصلها



رح للقصيد ودور أعذب كلامه

ون جبت كلمة توصف إحساسي قلها

دامي عجزت ألقالي وصف ومدامه

حبك يسد بلاد ويكفي أهلها



أشكر هواك اللي غمرني اهتمامه

وأشكرها روحك يللي من طيب أصلها

سوت على عمري وعمرك غمامة

تمطر أحاسيسي وينبت غزلها



مثلك على راسي أشيل احترامه

وأعطيه من أيام عمري عسلها

لني مدام انته في خير وسلامه

ما ريد أي حاجة من الدنيا كلها

صح لسانك ياخوي
ايه الكلام العثل ده
تصدق وحشني الكلام الخليجي اوي